Buuhoodlle (Bakipress)- Wararka naga soo gaadhaya degamda Buuhoodle ee xarunta gobolka Cayn ayaa sheegaya in dagaal xoogani uu dib mar kale uga qarxay deegaanka Sool-joogto oo qiyaastii 30 km dhinaca bari kagag beegan degmada Buuhoodle.

Wararka ayaa intaas ku daraya in weli dagaalkaasi uu socdo laman oga ilaa iyo hada khasaaraha uu sababay iyo weliba cida weerarka soo qaaday inkasta oo markii hore in dagaal qarxo cabsi weyn laga qabay maadaama ay Maleedhiyadda nabad diidka ah ee ku sugan aaga Buuhoodlle iyo Ciidamadda Qaranka Somaliland goobtaas isku hor fadhiyeen.

Waana markii 3-aad oo mudo todobaad gudihiis ah uu deegaanka Sool-joogto dagaal ku dhex maro ciidamada Somaliland iyo Maleeshiya Beeleedka Hubaysan ee ku sugan Deegaankaas. 

Waa masuulkii u horreeyay ee caddeeyay inuu diyaar u yahay inuu Qarannimada S/Land xilkiisa ku badbaadiyo haddii ay danta dalku kallifto geesinimana muujiyay“

Hargaysa (Bakipress)- Madaxwayne ku xigeenka Jamhuuriyadda S/Land Mud. C/Raxmaan C/Laahi Ismaaciil (Saylici) ayaa ku baaqay inuu jagada madaxwayne ku xigeennimada Somali u ka degi doono haddii ay danta iyo qarannimada Somali Land  gasho, oo ay reer Sool ku bogsanayaan.

C/Raxmaan Saylici oo maanta fagaaraha khayriyada ee magaalada Hargaysa dadwaynaha kala hadlay, ayaa ku nuuxnuuxsaday qarannimada Somli Land iyo muqaddasnimadeeda, waxaanu caddeeyay in wax kasta oo qaldmay ama dhiman laga wada hadli karo, marka laga reebo qarannimada Somali Land oo uu ku tilmaamay mid aan gorgortan geyin.
Madaxwayne ku xigeenku waxa uu ummadda reer Somaali Land ilaahay uga baryay roob khayrleh, nabadgelyo, iyo midnimo waarta, waxaanu cidkasta oo wax tabanaysa ugu baaqay in ay xukuumaddu gogol nabadeed u fidinayso oo wax walba lagaga arrinsanayo marka qarannimada laga yimaad.

Saylici isku soo bixii maanta lagu taageerayay qarannimada Somali Land waxa uu ka  sheegay “walaalahayaga reer Sool halka ay shirka Khaatumo, Taleex la tegeen waxa habboonayd inay Hargaysa ama Laascaanood la yimaaddaan, annana waxii dhiman ee horumar ah nala dhamaystiraan, mana ahayn inay usoo tafa xaytaan burburinta waxqabadka iyo horumarka yar ee jira”.

Waxa kale oo uu intaa Saylici raaciyay( qabiil kaliya qaran ma noqon karo, gobol gaar ahi qaran ma noqon karo, Somali Land maanta qabaa`il baa degta, beeluhuna xuduud kala saarta oo ay ku heshiin karaani ma jiraan. Somali Land-na xuduud la yaqaan oo caalami ah bay leedahay”.

Saylci waxa kale oo uu canbaareeyay xubno ka mid ah abaabulka shirka Taleex oo uu sheegay inay ka mid ahaayeen dadkii gacmahooda ku dhisay Somali Land”.

Sida la warqabo, madaxwayne Ku xigeenka Somali Land mudane C/Raxmaan Saylici waxa uu noqonayaa masuulkii ugu horreeyay ee Somali Land soo mara ee ku baaqa inuu kursigiisa ku badbaadinayo  jiritaanka dalkiisa haddii ay danta qaranku gasho.

Lughaya news – Hargaysa

Hargeysa(Bakipress) Madaxweyne ku-xigeenka Somaliland Cabdiraxmaan Cabdilaahi Ismaaciil saylici ayaa la sheegay wali inuu shaqo joojintii uu khamiistii ku dhaqaaqay ku jiro oo aanu shaqadii dib ugu soo noqon ilaa hadana aanay jirin wax waan waan ah oo lagu so af-jaray tabashada uu tirsanayo ee kala soo deristay Xukuumadda uu ka tirsan yahay.

Inkasta oo aya iskaga dab qaadeen Ergooyin kala duwan oo madaxda Xukuumadda iyo Golayaasha ahi hadana ma jirto talaabo cad oo la qaaday oo lagu qanciyay hase yeeshee warar aan cadayn ayaa sheegaya in Madaxweyne Siilaanyo shalay oo Jimce ahayd Telefoon uu kala hadlay isla markaana uu ka codsaday in ay kulan isugu yimaadaan si wadahadal loogu dhameeyo mad-madowga soo kala dhex galay isaga iyo xukuumadda.

Khilaafkan soo kala dhex galay masuuliyiinta sare ee Xukuumadda ayaa tan iyo shalay abuurtay doodo kala duwan waxaana la sheegay xukuumadda inay gudaheeda ka abuurtay dareen isxulafaysi ah oo ay labada dhinac ee iska soo horjeedaa ku kala kasbanayaan taageerayaal iyadoo taageero weyn uu ku helay Saylici kadib markii ay u garaabeen tabashooyinka uu tirsanayo oo ay ugu weyn tahay Talada Xukuumadda ka soo baxda oo aanu waxba ka ogayn iyo taageerayaal uu shaqo geliyay oo shaqooyinkii laga Eryay.

Sida ay sheegeen Ilo xogogaal ahina waxa wali socda Ergooyin doonaya inay khilaafka soo af-jaraan maadaama duruufo Siyaasadeed iyo Dagaal oo isa saaran uu dalku ku jiro haddii aan xal loo helina ay sii fogaan doonto. Ergooyinkaasi ayaan ilaa hada gaadhin wax natiijo ah waxaana la sheegay C/raxmaan Saylici inuu ku adkaysanayo mawqifkiisa iyadoo la filayo maanta oo Sabti ahna inuu ku sii jiri doono shaqo Joojinta.

Sida ay wararkii ugu danbeeyay ee aanu ka helnay Ergooyinkaasina sheegeen in loo saaray Guddiyo kala duwan oo ay ka mid yihiin Wasiiro, Golayaasha Qaranka iyo Hogaanka Xisbiga Kulmiye  si ay isku dubaridaan wax ka qabashada khilaafka jira kaasoo ah mid soo taxnaa in muddo ah oo u baahan in si qoto dheer loo galo, waxaana la sheegay hawshaas in la gudo galay oo gacanta lagu qabtay isla markaana laga saaray Caadifadii uu ku bilowday.

Tabashada ugu balaadhan ee dadweynuhu shalay ka gaarabayeen ee laga soo xiganayo ilo wareedyada khilaafkan ka ag dhaw dhaw ayaa sheegaya inay tahay arrinta Dagaal ee uu dalku ku jiro waxaanay u arkayeen maadaama Madaxweyne ku-xigeenku dhalasho ahaan ka soo jeedo beelaha Galbeedka Somaliland inay haboonayd in isaga loo diro dagaalkaasi oo uu gadhwadeen u noqdo Ciidanka isla markaana ka hadalkeeda dhinaca Warbaahinta ay ku wanaagsanayd in uu isagu ka muuqdo maadaama ay ku gabanayaan Siyaasiyiinta iyo Kooxaha shirka waday ee ka soo horjeeda Somaliland in Beesha Isaaq ku soo duushay oo ay awood ku haysato dhulkooda.

Fikrada caynkan ah dadka qaba waxa ay u daliishanayaan in wakhtigii Rayaale talada hayay C/laahi Yuusuf-na Puntland iyo Somaliyaba ka talinayay ay wax weyn ka tartay dacaayadaha ay fidin jireen ee ay dadka ku kicin jireen marka ay arkaan in aanu Nidaamka Somaliland u abuurnay qaab beeleed ee uu yahay mid Dawladeed oo Doorasho ku yimi, waxaanay ku xoojinayeen fursada kaliya ee Madaxweyne ku-xigeen kastaa leeyahay ay tahay marxaladahan oo kale in culaaysku ku dhaco isaga maadaama Madaxweynuhu hawlihii kale ee Qaranka hayo isla markaana Miisaan loo yeelo nidaamka lagu maamulayo goobaha ay ka socdaan hawlgaladu.

Inkasta oo ay aragtidaasi aad u badnayd hadana aragtida kale ee taalay shalay goobaha lagu faaqido Siyaasaddu waxay walaac ka muujinayeen in arrintani ay ku soo beeganto xiligan waxaanay door bidayeen in hoos loo dhigo hadal haynteeda maadaama lagu jiro duruufo siyaasadeed oo khatar ku ah jiritaanka Somaliland haddii aan midnimo lagaga bixin. Balse hadana waxa ay mar walba doodaas wehelinyay inay lagama maarmaan tahay in tabashooyinka Saylici wax laga qabto maadaama uu ka cabanayo in shaqooyinkiisii iyo Haybadii masuuliyadeed ee uu hayay ay iskaga horyimaadeen Wasiiro iyo masuuliyiin kale oo mansab ahaan ka hooseeya.

dhanka kale, wararka ka imanaya gobolada galbeedka ayaa sheegaya in dadweynuhu aad u kacsanyihiin kana cadhaysanyihiin waxyaabaha lagula kacayo madaxweyne-kuxigeenka waxana la sheegayaa aadna looga cabsiqabaa in mudaahaaraadyo rabshado wata ay qarxaan halkaa.

Si kasata ha ahaatee Xukuumadda uu ka mid yahay Madaxweyne ku-xigeen C/raxmaan Saylici waxa xiligan hortaala masuuliyad balaadhan oo loo baahan yahay inay Nidaamka Maamul ee dalka iyo ka dhexdeeda yaalaba ku xaliso dalkana ka saarto walaahawga Siyaasadeed ee ka dhashay faragalinta shisheeye ee wakhtigan kala fur furaysa isla markaana ku dirqiyaysa inay ka qayb galaan Shir ka soo horjeeda Go’aankii shacabka ee Gooni isu taaga.

Kadib markii u soo shaacbaxay warka sheegaya in Wasiir cali Xaamud Jibriil iyo Wasiirka arrimaha dibaddu ay isku muruxsadeen shirka golaha wasiiradu ay lahaayeen khamiistii an soo dhaafnay dhexdiisa, ayaa wuxu noqday warkaasi mid aad iyo aad ay ugu diirsadeen dadweynaha ka soo jeeda gobolada Awdal/Selel iyo Gabiley gudaha iyo dibedaba.

” Cali Xaamud Jibriil weligiiba wuxuu ahaa nin geesiya oon gabbashada aqoon arrinta aw u dhaqaaqana ka soo dhalaala, tallaabadan u qaadayna waa lagu wada diirsaday waana mid laga filayey waanan ku hambayeynayaa .” Cabdi Xadi Ciise.

Meelaha la isugu yimaado ee magaalooyinka waaweyn ee dalkan Kanada sida Ottowa, dadku waxay aad ay u hadal hayaan talalaabadaa geesinimada leh ee u qaaday Cali xaamud jibriil.

dadka waxad moodaa siday sheekadan ugu tiiqtiiqsanayaan ee ay u qaadaa dhigayaan  inu wahab saarnaa Cali u ka duuliyey, waxanay arrintaasi ka marag  noqotay sida Cali Xaamud ugu heellan yahay dadkiisa iyo dalkiisaba. Haddii wasiirada iyo xildhibaanadeena qaarkood arrintoodu dadka qaar la tahay habar fadhida legdini wax uga fudud, waxa halkaa laga dheehan karaa amma qofka caadiga ahi fikrad ka qaadan karaa hirdanka adag iyo loollanka ka taagan shirarka golayaasha xukuumadda ee lagu mareeyo arrimaha dalka oo dhan.

Sidoo kale, waxa sheekadani dad badan ay soo xusuusinaysaa mar u Xildhibaan Axmad Yaasiin Sh. Cali Ayaanle waraysi ay Harowo.com ay la yeelatay u ku yidhi” waxa la yidhi habar fadhida legdini wax uga fudud. Hadaad moodaysaan inan meesha iska fadhino reer awdalow arrintu sidaa way la duwantahay oo marwalba waa noo dagaal.”

Mar an arrintan wax ka weydiinay nin dhallinyar ah oo ka soo jeeda degaanka Borama magaciisana la yidhaa Cabdi xadi Ciise ayaa wuxu yidhi: “ Cali Xaamud Jibriil weligiiba wuxuu ahaa nin geesiya oon gabbashada aqoon arrinta aw u dhaqaaqana ka soo dhalaala, tallaabadan u qaadayna waa lagu wada diirsaday waana mid laga filayey waanan ku hambayeynayaa ”.

abdiraxmaan Xuseen ayaa  isaguna yidhi: ” Cali xaamud waan nin galgal badan,  af macaan, dad la dhaqan leh, jinkana ka qosliya oo aan marnaba an ka daalin halka ay dani ka gasho waana ninka keliya ee xidhiidhiya uguna faro dhuudhuuban reer Adal iyo xubnaha ugu tunbuuran dawladda Siilnaayo, waana nin jira wallaahi.” waxa akaloo Cabdiraxmaan intaa u ku daray; “laba bilood baan dalkii soo moogahay gacan baana u taagay ninkaa kartida Ilaahay siiyey.” 

waxa kaloo sheekadani ay keentay inay soo ifbaxaan arrimo kale oo runtii dadkii xogogaalka u ahaa ay aad ugu ammaaneen Cali Xaamud balse anay dadka iyo saxaafaduba anay ka warqbin arrimahaas oo qaarkood xasaasi ay yihiin laguna tilmaami karo “TOP SECRET”.

Staff reporter